martes, 21 de julio de 2009

Quinta ediçom da Jornada de Rebeliom Juvenil: Tempo de crise, tempo de luita



Por quinto ano consecutivo BRIGA convoca a Jornada de Rebeliom Juvenil no 24 de Julho com a teima de consolidá-lo como um dia de reivindicaçom e luita, e também de festa, com o que recebemos um novo Dia da Pátria.

Mais um ano temos que lamentar a impossibilidade de unificar as duas convocatórias promovidas pola juventude independentista que terám Compostela como cenário na noite do 24 de Julho. Apesar da nossa disposiçom, manifestada ano trás anos, de evitar que duas mobilizaçons percorressem as ruas da nossa capital na véspera do Dia da Pátria, mais umha vez foi impossível cadar qualquer acordo. De BRIGA acreditamos que a confluência das duas mobilizaçons numha única convocatória, serviria, nom só para lograr umha confluência das forças de umha e outra organizaçom, senom para alargá-la e extendé-la a um bo número de jovens que ainda nom participam na jornada do 24 de Julho.

Se bem respeitamos a decissom de manter a convocatória da Rondalha por parte da AMI, fazemos um chamamento para dumha vez por todas solucionar umha situaçom, a convocatória de duas mobilizaçons no mesmo lugar e quase a mesma hora, que é de todos os pontos de vista contrário à razom.

V Jornada de Rebeliom Juvenil
Como já é costume nos últimos anos o Parque de Belbis, em Compostela, é o lugar escolhido para a realizaçom dos nossos actos. Esta noite, malia a infrutuosa tentativa de conseguir unificar as duas mobilizaçons convocadas polas entidades juvenís independentistas, marcharemos em manifestaçom às 22h00 desde a Porta Faxeira contra umha crise capitalista que afoga a Galiza com ERE,s, despidos, precariedade, especulaçom... um tempo de crise que deve ser contestado com a luita nacional e de classe.

Animámos-vos a tod@s vós a compartilhar esta jornada prévia ao do Dia da Pátria com nós, para que os que querem fazer do 25 de Julho o Dia de Galicia ou o Dia do Apóstolo tenham que resignar-se ao ver-nos ocupando as ruas ao berro de INDEPENDÊNCIA E SOCIALISMO!

Lá nos vemos!

V JORNADA DE REBELIOM JUVENIL
“TEMPO DE CRISE, TEMPO DE LUITA”

22h00 Manifestaçom
desde a Porta Faxeira

23h30 Concerto
no Parque de Belbis

Arenga (punk-rock galego)
Kógito (ska galego)
Kop (metal-hardcore-industrial catalán)
Dios ke te crew (hip-hop galego)

A mocidade em combate! A mocidade em galego!


Perante a alarmante situaçom de desprotecçom e ataque que sofre a nossa língua e perante um futuro cheio de luitas a este nível, a AMI decidiu centrar os actos do 24 de Julho na defesa da língua.

A legenda escolhida: a mocidade em combate, a mocidade em galego! resume a nossa intervençom a este nível: nom deixar descansar os inimigos mais feroces do galego, que pensam ainda hoje em que rematar com a identidade deste povo milenário sairá de gratis. A mocidade combativa e rebelde tem-no claro. Só com umha defesa na rua da língua e com umha linha de intervençom volcada de cheio na promoçom do monolinguismo poderemos fazer um movimento forte e amplo que nos defenda.

Paralelamente, continuamos em combate para defender mais um ano que as ruas de Compostela nesta noite de luita som da mocidade. Agora que a delegaçom do governo e a polícia de choque se têm decidido mais do que nunca a impedir o passo da rondalha, a participaçom massiva dela é muito importante. O direito a ocupar a zona velha no 24 de Julho nom é só um direito da AMI, mas de todos e de todas conquistado durante anos com esforço. Um direito que hai que defender.

Os actos do dia serám:

-17h00-19h00, Palestra: Monolinguismo social na Galiza.

Falarám:

-Isaac Xubín ( Redes Escarlata)

-Beatriz Pérez Bieites ( comissom de língua da Gentalha do Pichel)

- Leo F. Campos (professor e músico)

- Aurélio López. ( AMI)

19h30-20h30: Cadeia humana pola liberdade dos presos independentistas. Praça da Galiza.

-20h30: ACTO POLÍTICO

Humor: Os da Ria

Actuaçom musical: Mini e Mero

Projecçom, demonstraçom de graffiti

Discurso

-23h00: XV RONDALHA DA MOCIDADE COM A BANDEIRA