GALIZA-PALESTINA

Siareir@s Galeg@s levará, mais um ano, à Selecçom Galega aos terrenos de jogo, consideramos que é o movimento popular quem deve enfrentar-se a esta nova negativa da Junta do desfrute da nossa selecçom.

Após do sucesso do ano passado, nesta ocasiom queremos melhorar as nossas actividades com um completo programa no que o “rival” de Galiza será Palestina. Temos escolhido e luitado por disputar este jogo com um duplo objectivo. Por um lado, que os nossos jogadores e jogadoras voltem a saltar ao terreno de jogo e, por outro, para denunciar a situaçom vivida dia a dia no território ocupado de Palestina, como os gravíssimos incidentes que acontecerom com a frota de ajuda a Gaza. Por isso, este ano colaboram com nós diversas organizações como BDS-Galiza e Comunitat Palestina de Catalunya para denunciar a ocupaçom cada vez mais sangrenta por parte de Israel.

De novo Siareir@s Galeg@s fai um chamamento ao povo galego para que se suba a este carro, no que todos e todas devemos de ir jun@s coma galeg@s com umha soa ideia, a de Galiza e a sua selecçom, a nossa selecçom. Participa nas nossas actividades, fala com @ vizinh@, amig@, que todo o mundo conheça o que o povo galego pode fazer.

O dia 26 voltaremos a ter umha jornada de festa e reivindicaçom em Ourense, na que berraremos bem forte que somos umha naçom e que temos direito a ter selecções desportivas e que por isso reclamamos a oficialidade.

MANIFESTAÇOM:

Às 16:00 com o lema “Povos em luita, selecçons irmás” desde a Praça Maior até o Campo dos Remedios.

JOGO:

Galiza jogará contra Palestina. Por Galiza participaram jogadores e jogadoras de diversas categorias dirigidas, mais um ano, por Pilar Neira e Fernando Vazquez. Nos próximos dias confirmaremos os jogadores e jogadoras incluid@s nesta convocatória e que defenderam a nossa camisola.

CONCERTO:

Para pôr fim à jornada organizaremos um concerto, na Praça Magdalena, depois do jogo. Contaremos com a actuaçom de três grandes grupos galegos, Keltoi, Royalties e Som do Galpom.

Nesta jornada também contaremos com a participaçom da Liga Nacional de Bilharda que desputará o III Aberto da Bilharda da Auténtica , com a actuaçom de Palhaços em Rebeldia e com um Jantar Popular a partires das 12:00 na Praça Magdalena.

UMHA NAÇOM, UMHA SELECÇOM!

Programa:

12:00 (Praça Magdalena), III Aberto de Bilharda da Auténtica; Actuaçom de Palhaços em Rebeldia e Jantar Popular.

16:00 (Praça Maior), Manifestaçom Nacional baixo o lema "POVOS EM LUITA, SELECÇONS IRMÁS".

17:30 (Campo dos Remedios), GALIZA - PALESTINA.

20:30 (Praça Magdalena), Concerto de KELTOI, ROYALTIES e SOM DO GALPOM.

Folga de consumo dia 21.

O 21 de dezembro, greve de consumo!

QUE É A GREVE DE CONSUMO?

A greve de Consumo supom afirmar a nossa capacidade de autonomia e autogestom frente a um sistema produtivo que entende as pessoas tam só como consumidores ou recursos que há que explorar.
Tráta-se de boicotar e nom adquirir nengum tipo de bem, produto ou serviço durante o próximo 21 de dezembro.
Combatamos neste Natal o consumismo e defendamos outro modo de vida.

Animamosvos dende as BAF Lugo unirse a este dia activo do anticonsumismo diario.

Non a o desaloxo das atochas.

Animamos a todo o mundo a que acuda à manifestaçom de manha sabado as 18h00h no Campo de Marte, (bairro de Montealto) na Corunha.

10 de decembro: Día Internacional polos Dereitos dos Animais Non Humanos

11 Dezembro

Este vindeiro sabado 11 de Dezembro Siareiros Galegos comarca de Lugo faremos coa colaboracion das BAF Lugo as 2as Xornadas comarcais que so sera o comezo para o grande dia 26 de dezembro en Ourense cos actos organizados a nivel nacional,entre eles o encontro entre Galiza e Palestina ,animamosvos a todxs a participar tanto en lugo coma en compostela esta finde e mais o 18 e o 26 en Ourense.

Proxeccion SkinHeadS Attitude CS Madia Leva!

Este vindeiro xoves dia 9 a partires das 20:00 H proxeccion do documentario Skinheads Attitude no CS Madia Leva!

[SSGG] Galiza enfrontara-se a Palestina o 26 de Dezembro em Ourense e diversos actos anteriores a este gran dia noutras comarcas.

Durante este ano o feixismo espanhol, encarnado no PP e com a inestimável ajuda do PSOE, figerom bem os seus deveres avançando no desmantelamento do desporto galego. Rematar com os restos das selecções e os seus jogos internacionais, borrar do mapa ciclista internacional o "Xacobeo Galicia", nulo apoio aos ciclistas implicados em casos de suposto doping, suspensom de salários aos membros da equipa ciclista, recorte de miles de euros no desposto de base, presões para que os grandes clubes de futebol voltaram a empregar o castelam na sua publicidade e nos seus comunicados, etc, etc, etc. E mentres, sobravam milhões de euros para trazer a David Meca a afogar ao Ulha, para promover com dinheiro público pantalhas gigantes, publicidade e primas a "La roja" ou para trazer ao Papa Ratzinger a Compostela. Vendo isto, já ninguém acredita isso de que a Selecçom Galega nom joga pola crise.

Desde Siareir@s Galeg@s seguimos a trabalhar, reconhecendo as nossas limitações, polo nosso objectivo. Este ano participamos dos convites que nos figerom Centros Sociais, organizações políticas, juvenis ou desportivas. Também contra-arrestamos a exaltaçom de espanholismo vivida nas ruas do país com motivo do mundial de Sudáfrica, com pintadas, cartazes e colantes. Organizamos alguns actos comarcais e apoiamos algum amigável das nossas selecções em desportos minoritários, mas nom menos importantes por isso.

Agora que remata o ano é tempo de demonstrar que seguimos em luita igual que quando começamos, faz 14 anos. E igual que o ano passado organizaremos umhas jornadas polo nosso direito a existir no ámbito desportivo. Durante este mês de Dezembro realizaram-se diversos actos de apresentaçom e luita, dos quais informaremos na nossa web, que remataram o dia 26 em Ourense com o jogo entre Galiza e Palestina dentro dumhas jornadas nas que também se desputará o III aberto da autêntica, umha manifestaçom e um concerto.

Sabemos do ambicioso das jornadas e por isso pregamos @s noss@s sóci@s que nos ajudem a espalhar as nossas actividades, colaborem e renovem o cartom anual de Siareir@s Galeg@s, e @s nom sóci@s que se animem a afiliar-se ao colectivo.

Estas som algumhas das actividades que temos confirmadas para este mês de luita:

- Sabado 11, CS Madia Leva (Lugo): Palestra, torneo de matraquilhos, ceia e concerto.
- Sábado 18, CS Gentalha do Pichel (Compostela): Apresentaçom da campanha de SSGG e apresentaçom da campanha BDS.
- Sábado 18, Café Auriense (Ourense): Apresentaçom do jogo Galiza VS Palestina e palestra.
- Domingo 26, Campo dos Remedios (Ourense): 12:00 Bilharda, 16:30 Galiza VS Palestina, 19:00 Manifestaçom e 20:30 concerto (Praça Magdalena).

UMHA NAÇOM, UMHA SELECÇOM!